Aizawl, October 24 : Congress party para Mizoram te hobole thaka election nimitey taikhan laga election manifesto(election jitile ki ki kuribo etu laga list) release kurisey. Taikhan para judi Mizoram te election jitisey koiley Rs 750 para LPG cylinder dibole, hodai moina Rs 2000 diya laga old pension scheme ke wapas anibole, Rs 15 lakh tak laga health insurance coverage dibole aro alag welfare scheme khan implement kuribole nisna bisi alag alag subidha dibole kosom khaisey.
Mizoram Pradesh Congress Committee (MPCC) laga Spokesperson Ronald Sapa Tlai para koisey ki Congress party laga maksat tu, ekta asardar, transparent(khula khuli kaam kora) aro corruption(poisa kha) para mukt thaka laga administration banabole laga asey. Taikhan laga maksat tu village council aro local body khan ke aro bisi power, duty aro poisa laga modod dikina local governance ke majboot banabole laga asey.
Congress party para kunba infrastructure(building, subidha khan) develp kora te poisa invest kuribole nimitey plan kuri asey. Jaiseki rajya te rasta laga connection, airport aro bijli laga supply improve kora. Takhan para kisan aro nutun business suru kora manu khan ke Young Mizo Entrepreneurs Program (YmElevate) laga through para modod dibole aim kuri asey, nutun business suru kuribole nimitey poisa laga modod dibole aro Mizo youth khan nimitey 100,000 opor jobs banabole aim kuri asey. Etu manifesto te government job kora manu nathaka parivar khan ke Rs 15 lakh laga health insurance coverage dibole laga plain bi janaikina asey.
Taikhan para kitya bi bhal nohobole nohoilebi murijabole laga bimar paikina thaka manu khan nimitey Rs 5 crore laga budget bhak kurisey aro Old Age Pension te ek moina te Rs 2,000 tak baraidibole bi plan kuri asey. AAY aro PHH card thaka manu aro maiki khan para chola nohoilebi maiki head of the family thaka parivar khan ke LPG gas tu Rs 750 per cylinder kurikina dibo. Congress party para National Social Assistance Program laga under te mota murija maiki aro gao thik thak nathaka manu khan ke moina te Rs 2,000 dibole bi plan kuri asey.
Add Comment