Mizoram; Mizoram Distribution Association para koishey ke Assam laga rasta de Silchar aro Guwahati laga majode truck khan perapo napara karne saman aro del khan anipo naparey koishey rasta biya hoa karne. Mizoram de manu lagia laga saman aro del khan anipo napara hoishey. Rasta bishi biya hoa karne oil tank aro truck khan highway de rukhi jaishey, enika koishey distributors khan para. Petrol station khan de manu khan bishi jama hoikina pai koishey. Mizoram de manu khan laga saman 45 registered distributors asey . Truck driver khan bishi saman nabokipo koi, kiley maney edu kunpa saman khan rasta biya de deri perai le toh biya hoijai koishey. Edu association para report kurishey ke kunpa saman khan – packaged/carton milk, bacha khan laga khana Cerelac aro Lactogen khan toh komti pai asey koishey. Tai khan aro koishey ke kunpa truck chola manu khan toh saman khan bokipole daam othai koishey aro edu para saman khan laga rate pe othijai koishey. All Mizoram Petroleum Dealers Association laga President Lalnghakliana para koishey ke komti hoilepi 20 trucks toh Kawnpui aro Sairang laga majodi de phasekina asey koishey.
Mizoram de Rasta bon hoa karne saman komti pai asey
Add Comment