Aizawl. 05 October: Saturday din Union Home Minister Amit Shah toh Mizoram deh thakise aro besi jama howah manu khan ke kotha kora thakise. Hoilebe etu par states deh National Register of Citizens (NRC) aro Citizenship Amendment Bill (CAB) laga issue opor deh kelaaf korikena protests kora opor deh kotha kowah nai.
Shah ahaibole laga ke kelaaf korikena besi NGOs aro tusara organisation coordination committee laga banner pithor deh gara para campaign kora thakise aro koise, Citizenship Amendment Bill suru kora para Mizoram aro northeast laga tusara tusara parts ke dukh pabole ase.
Alak alak organisations deh Mizo Zirlai Pawl (MZP) be melikena tai khan laga opposition para CAB deh kelaaf kora time deh black clothes toh lakabole fesla kora thakise. Hoilebe coordination committee para Friday saam Home Minister ahiya time deh protests nakoribole fesla kora thakise.
Mizoram deh lamba din programme lowah time deh Amit Shah para Mizoram aro northeast laga tusara parts nemide BJP led NDA government para major initiatives lowah opor deh kowah thakise. Shah koise, “Prime Minister Narendra Modi laga tenure time deh ami khan para list forest resources para bamboo loise aro etu para pura northeast region nemide handicraft sector boost kuribo nemide morob pabole ase”.
Home Minister koise, government deh Prime Minister Narendra Modi para lead kori kena jaija pas-sal Mizoram laga development nemide besi step loise. Etu deh 60 MW Tuirial hydro power project laga inauguration, Mizoram deh rail connectivity deya, Myanmar logode border haats suru kora aro Kaladan multi model project suru kora be melikena ase.
Tai koise, 13th Finance Commission pithor deh Congress government para Mizoram ke khali Rs. 19,974 crore deshe. Hoilebe 14th Finance Commission pithor deh toh state ke Rs. 42,972 crore deshe.
Add Comment