Agencies, 06 April: Tuesday te Mizoram State Election Commission para Mara Autonomous District Council in Siaha district te polls toh May 5 te lobole janaishe. 25-member council te election toh 7 am te lobo aro 5 pm te kothom hobo SEC notification hisab te.
Nomination papers file koribole laga last date toh April 13 hobo aro scrutiny of documents toh eki din te thakibo.
Candidature laga withdrawal nemite last date toh April 18 hobo koise.
Notification hisab te, election process toh May 11 te kothom hobo aro notun council laga first meeting toh May 13 nemite scheduled korise.
Sob meli kena 42,326 manu khan te 21,960 maike meli kena eligible voters ase council area te. Siaha East-II constituency te sobse besi voters 2,808 te ase aro Amohtlah segment te sobse komti 1,049 te ase.
MADC toh tinta autonomous district councils laga ekta ase aro etu toh state laga southern part te Constitution laga sixth schedule hisab te bona thakise. Etu toh Pawi-Lakher regional council para alak howa thakise. Local body te 25 elected aro three nominated members ase.
Last council poll May 2017 te lowa te, Congress para 17 seats logote jeta thakise aro Mizo National Front aro Mara Democratic Front meli kena seven jeta thakise Independent candidate ke juna thakise.
Etu bechite, MDF members toh BJP logote mela thakise aro ottu samai te regional party toh saffron camp logote melija thakise.
2019 te besi phak Congress members toh saffron party te hara thakise aro etiya etu te chief executive member N Zakhai para headed ase.
Add Comment