Aizawl, 26 November : Mizoram sorkar prepaid smart meters implement koribo nimite kaam suru korise, jun Centre laga Revamped Distribution Sector Scheme (RDSS) laga under te ase koi janai dise officials khan.
November 21 din state laga power aru electricity department ekta agreement sign korise Advance Metering Infrastructure Service Provider (AMISP) logot, smart meters install koribo nimite.
Itu smart metering project RDSS laga ekta hissa ase, jun desh pura electricity distribution improve koribo nimite banai dise.
Sorkar prepaid smart meters install koribo nimite Centre pra Rs 170 crore pise. Officials hisab te, smart meters installation October 14 din Letter of Award issue hoha din pra 27 months andar te complete hobo expect ase, aru project laga operation aru maintenance 93 months tak cholibo.
Itu project te 2,89,383 consumers nimite prepaid smart meters install koribo, officials khan inform korise.
Add Comment