AIZAWL, February 21: Northeastern state ekta, Mizoram pora Wednesday te tai khan laga Statehood Day manaise. Tate besi cultural events aro sports meets thakise.
Wednesday te Mizoram laga 32nd Statehood Day thakise.
President Ram Nath Kovind, Prime Minister Narendra Modi aro Congress President Rahul Gandhi pora etu deyohar te state laga manu khan ke salam dise.
Mizoram Governor Kummanam Rajasekharan, pora etu din laga main function te kotha koriya samoy te koise ki besi saal adaangwati korikena aro etu pora olai kena desh laga sobse shanti state howa toh Mizoram te thakiya civil societies nimite ase.
“Ami khan ketiya bis saal dukh powa kotha kori ase, ami khan etu bi yaat koribole laage ki ami khan logote state te dis saal laga opor te shanti ase,” Rajasekharan pora koise.
Tai pora sports te Mizoram laga national achievements powa ke sabaash dise, besi bhag football te.
Besi bhag maksat toh etiya bamboo sector te ase, tai pora koise.
“Desh bithor te Mizoram te sobse besi bamboo thakiya ekta ase. Etu toh etiya recognised hoise, aro state laga development aro manu khan nimite ecology bi suraksha korikena develop aro promote kori ase,” Governor pora koise.
India laga konoba aalag northeastern states nisina, Mizoram (etiya laga population 11 lakh nisina ase) toh pohoila 1972 tak Assam laga hisa thakise aro etu toh union territory karne olai dise. Mizoram toh February 20, 1987 te India laga 23rd state hoise.
Add Comment