Mizoram, November 27, 2024: Tuesday din te, Aizawl laga Thuampui jag ate Police khan para 8kg keroin drugs toh durishe koishe, aru 3da manu ke durishe koishe Champhai District te thakhea laga manu.
Etu Heroin drugs toh 2 crores laga upor ase koishe, etu etea Mizoram te single operation te sobse bishi durishe koishe.
Mizoram Police laga CID Special Branch khan laga Team para etu operation toh kurishe koishe. Taikhan duita gari ke rukhai she koishe Cheuva Hills, Thuampui, Aizawl te.
Etu gari toh Bolero no MZ-04/1-9872 ase koishe, aru Tlangsam Champhai para ahi thakhishe koishe. Aru Pickup gari MZ06-6021.
Team khan para 8.058 kg orange Powder toh Heroin ase koishe, aru etu khan toh 664 sabon laga daba te packed kuri kina thakhishe koishe.
Etu duita gari aru charta mobile khan bi sob duri loishe koishe, aru Special Narcotic Police Station te case toh dali dishe koishe.
Add Comment