Mizoram, December 5, 2024: Assam Rifles khan Excise aru Narcotics Department khan logote milikina operations kurishe koishe, yete taikhan Herooin drugs 22 gram nishina durishe koishe. Etu toh Rs 15.40 lakhs nishina ase koishe, Champhai laga Zote jaga para, Mizoram te. Yete maiki ekta ke arrest kurishe koishe.
Yete taikhan khobor pai kina, maiki ekta laga bag te drugs loka toh duribole parishe koishe. Etu maiki toh Tlangmawii ase koishe, Tai toh 40 saal ase koishe. Aru taike Excise aru Narcotics Department khan ke didishe koishe, ahibolelaga homoi te tarika khan lobole.
Monday din te bi, alak operation te, Mizoram laga Cross-Border para, Assam Rifles khan Zokhawthar laga Police Department khan logote milikina operation kurishe koishe, yete taikhan 22.676 kg Methamphetamine Tanlets durishe koishe, aru etu toh Rs 68.03 Crore laga ase koishe. Balu Kai jaga laga osor para, Zokhawthar te. Yete taikhan ekta manu bosta bukhi kina Tiau Nodi toh paar kuri thakhishe koishe. Yete taikhan saishele 22.676 kg Methamphetamine Tablets toh paishe koishe, Khobor hisab te.
Add Comment