Mizoram: May 17 para 18-44 umer vaccination soruh

May 16, 2021. Mizoram government para state manuh 18 umer para loikena 44 umer khan logot May 17 darik para vaccination kam soruh koriboli ase, koikena Friday din official para junaishe. State health special secretary Lalramnghaka para koishe ke, etu moka toh dukh thakai neshina manuh- cooking gas distributors, journalists, public transport drivers aro conductors, employees of power & public health engineering departments, post offices, pharmacies, filling stations, banks, airport aro dosura khan logot thiboli janaishe. Tai koishe ke, sob manuh ke toh etu paar vaccine komti howa nemite thiboli naparibo. Health secretary laga khobor hesab te, Thursday din state te 1,6340 doses Covishield pongchise. Tai aro koishe, 18-44 umer manuh toh hesab kora 5.1 lakh neshina ase, etu nemite sob manuh logot thiboli ase koile aro 10.2 lakh doses neshina lakibo. Tai koishe, government para 10.2 lakh doses toh puila para mangkina ase hoilebi, itya kali 1,642 doses paishe. Tai koishe, etu samai manuh khan logot Covid-19 hoshari neum toh jolaboli. Mizoram laga population toh hesab kora te 12.26 lakh neshina ase. State health department laga hesab te, Thursday din dak te first dose Covishield toh 2,31,589 manuh logot thikena ase. Etu oper te 51,744 manuh khan toh vaccine full dose loikena ase. National Health Mission (NHM) laga mission director, Dr. Eric Zomawia para koishe, Friday din dak te 45 umer manuh nemite vaccine toh 1,86,990 doses neshina hath te rakina ase. Tai para aro janaishe ke, 18-44 umer group logot full vaccination koriboli toh komti hoilebi aro 80,000-90,000 neshina lakibo koishe.