Mizoram, November 29, 2024: Wednesday laga Rati te, Mizoram Police khan para 29.289 kgs Methamphetamine toh durishe koishe, Aizawl laga Zemabawk jaga para. Aru yete taikhan ekta Myanmar Manu kebi durishe koishe.
Etu durea saman khan toh local market te bikhaile Rs 380.757 lakhs ase koishe.
Mizoram Police aru CID (SB) aru Special Narcotic PS Staff khan milikina operation kurishe, yete taikhan ekta Scorpio Gari ke rukhai she koishe, Zemabawk Beraw Lui te, etu gari toh Zothawthar para ahi thakhishe koishe, yete taikhan 30 packets Methamphetamine toh durishe koishe gari bitor te para.
Etu durea manu toh Tlangthanmawia ase koishe tai toh 30 saal ase koishe, E-Group, Myanmar Tawngtai Mual, Zemabawk.
Yete taike arrest kurishe aru investigate bi kuribole ase koishe.
Add Comment