Mizoram, June 02: Mizoram Minister Dr K Beichhua para Prime Minister Narendra Modi ke likhishey aro tadey pani aro landslides kan para state deh tabai macha laga opor deh concern express kurishey.
Dr K Beichhua para Aizwal District deh stone quarry collapse huina landslides kan para 34 manu kan murija laga khobor bi highlight kurishey.
Itya bi bishi manu kan missing ase Cyclone Remal laga karan, Pani gira para extensive damage huishey rasta, bridge kan, water supply, power supply, private residences, aro agricultural land kan pura Mizoram deh.
Minister para request kurishey Rs 1000 crore laga special assistance central government para reconstruction aro aid karney.
Prime Minister Narendra Modi para ex-gratia announce kurishey Prime Minister laga National Relief Fund (PMNRF) para natural disaster laga victim kan karney Assam, Manipur, Meghalaya, Mizoram, Tripura aro West Bengal deh ex-gratia announce kurishey.
PM Modi para injured kan karney Rs 50,000 dibo koina announce kurishey.
Twitter deh likhina koisheyPM Modi para ki,”Rs 2 lakh laga ex-gratia PMNRF para dibo koishey family kan laga member kun etu ghatna deh murishey utu family kan ke, Assam, Manipur, Meghalaya, Mizoram, Tripura aro West Bengal deh. Injured kan ke Rs 50,000 each dibo koishey.
Earlier, Mizoram laga Chief Minister Lalduhoma para May 28 deh ex-gratia announce kurishey Rs 15 crore laga victim kan juntu landslide para affect huishey taikan karney Cyclone Remal para. Aro jun kan etu incident deh murishey taikan laga family sob ke Rs 4 lakh each dibo koishey.
Add Comment