AIZAWL | NOV 20, 2019: Mizoram Assembly para Tuesday te tribal manu khan forest mati te bui thaka khan laga rights recognize kuribole thaka act toh hataidishe aro koishe etu toh eman relevant nohoi.
Scheduled Tribe & Other Traditional Forest Dwellers (Recognition of Forest Rights) Act, 2006 toh Social Welfare Minister Dr K Beichhua para official resolution adopt kurikena shuru kurishe.
Beichhua koishe etu rules ola pichede etu act ke Mizoram nimete applicable bonaidishe ekta official resolution October 29, 2009 te state assembly para pass kurai diya pichede.
Etu time te Lal Thanhawla para head kurikena Congress party bithor te thakishe. Mizo National Front government laga minister Beichhua, koishe etu act toh eman relevance nai state te .
Aro ekta resolution lagi thakishe etu Act toh hatabole nimete state para aro etu toh state legislature para adopt kurishe.
Add Comment