Aizawl, February 15, 2026: Mizoram te dangor boost pai she agro-based industrialisation karne, February 13 te Mizoram para inaugrate kure she Northeast laga first mas canning factory, kunto dangor ekta milestone mark kure she.
Plant toh Mamit district laga Zawlnuam te banai she, etu toh farm para market laga link toh kara kure de bo aro local mas durea manu khan laga thanka othai de bo koi she. Plant toh Fisheries, Agriculture, Irrigation aro Water Resources Minister Lalrinliana Vanlalruata para inaugrate kure she. Tai koi she etu project para etia toh local mas durea manu khan market te loi jai kena nabe kai le be factory khan te de bole pare bo. Factory te mas khan tin te hale kena, tai khan laga expiry be othai de bole pare ja bo.
Etu project toh Cooperation Department para proposed kure she Centre ke July 2024 te. Etu toh Intergrated Cooperative Development Project (ICDP) laga betor te para fund pai she, aro etu te Rs 65 lakh laga investment thake she, Rs 40 lakh toh machine khan kene bole jai she aro Rs 25 lakh toh factory bana bole jai she koi she.
Add Comment