Aizawl, August 21, 2025: Mizoram Police khan para yete Champhai aru Aizawl District te. Duita rati nishina Operation kuri kina Drugs durishe koishe. Yete State laga Border te tarika khan kuri thakhishe koishe.
August 17 din tebi. Champhai laga Police Hnahlan Beat Post para gari park kurea toh olop shak thakhishe koishe. Etu toh Hnahlan Bosti laga phane thakhishe koishe. Aru Police team khan para etu gari osor te ahishe koishe. Aru Driver toh Gari ke chari kina polai jai kina Jungle laga osor te jaishe koishe.
Yete gari bitor te bisarea pichete taikhan para 240 grams laga Heroin paishe koishe. Aru etu toh Rs 17.2 Lakh laga daam ase koishe. Aru etu Heroin toh 23 sabun dab ate packed kuri kina thakhishe koishe.
Aru August 18 din tebi. Special Narcotics Police Station toh CID laga bitor te. Aru 225 Battalion of CERPF khan logote mili kina. Mahindra Bolero ke Aizawl laga Muallungthu aru Hualngohmun jagate rukhaishe koishe. Aru taikhan bisarea pichete taikhan para 7.955 kg laga Methamphetamine Tablets paishe koishe. Aru etu toh Rs 1.03 Crore laga daam ase koishe. Yete Duita manu ke durishe koishe. Tai duijun toh Shanti Jeeban Chakma (30) aru Brighu Dhan Chakma (31) ase koishe. Tai duijun bi Aizawl aru Lunglei te thakhea manu ase koishe.
Add Comment