Aizawl District, December 20, 2025: December 18 din te Police khan para koishe ki. Etea January para December 17 tak. Aizawl District te 1,764 Criminal Cases nishina registered kurishe koishe. Yete Chor kurea khan bishi ase koishe.
Reporter ke kotha kurea homoi te. Aizawl SP Zosangliana para koishe ki. 1,176 Cases nishina te. 60 per cent nishina khan toh Chor kurea khan ase koishe. Yete sob milai kina 2,000 manu nishina ke arrest kurishe koishe etu laga cases te.
Aru etu sob registered kurea te. 1,009 cases khan toh Investigation kurea khotom hoishe koishe. Aru yete 421 Cases nishina khan toh etea bi kurea ase koishe. Aru 333 nishina khan toh etea bi pura Investigate nakuri kina ase koishe.
Aru SP para koishe ki. Aizawl District te murder cases khan toh 11 nishina registered kuri kina ase koishe etu saal te. Aru 10 nishina kahn toh khotom hoi kina ase. Aru eteabi ekta case bakki ase. Aru Drugs laga phane. Police khan para 32 Cases nishina registered kurishe koishe. Aru yete 36 manu ke arrest kurishe.
District tebi 158 Cases nishina khan toh Unnatural tarika para murishe koishe. Yete 30 nishina khan toh Suicides kurishe, 36 toh drugs laga overdose para, 12 nishina khan toh panni te dubi kina murishe aru 78 nishina toh accident hoi kina murishe koishe.
Add Comment