Aizawl, November 2 : Official khan para Thursday din te koisey ki Congress leader Priyanka Gandhi Vadra para Friday din te assembly election hobole thaka rajya Mizoram te Friday din te ek din pura campaign kuribole thaka tu cancel hoijaisey.
Ekjun Congress spokesman para koisey, “Ekdam opai nathaka karon nimitey amikhan para etu janai di asey ki Priyanka Gandhi para visit kuribole thaka tu cancel hoijaisey. Amikhan para etu nimitey apsoos janai asey.”
All India Congress Committee laga general secretary, Priyanka Gandhi, kun Uttar Pradesh laga in charge asey tai tu Friday laga shaam te, Mizoram laga Mamit district te thaka Kawrtethawveng jag ate ekta public meeting kora picheyte Treasury Square te olop manu jama huwa khan ke address kuribole thakisey.
Congress tu Mizoram laga sob 40 seat para bi election laribole asey. Etya olabole thaka Mizoram legislative assembly te, Congress laga 4ta MLA asey.
Add Comment