Aizawl, March 25 : Ekjun senior party official para statement diya hisap te, Mizoram te ahibole thaka Lok Sabha election nimitey ruling party Zoram People’s Movement (ZPM) para taikhan laga campaign suru kuribole announce kurisey kuntu tu April 1 te suru hobole asey.
April 19 te hobole thaka, Mizoram laga ekta ekla Lok Sabha seat laga voting para political party khan ke jeet hasil kuribole nimitey taikhan laga kosis baraidibole majbur kuridisey. ZPM laga general secretary, Saithuama Mangpa para koisey ki etu campaign inauguration te Chief Minister Lalduhoma laga address feature kuribo.
ZPM tu 2017 te bisi alag alag chutu party khan para milikina ekta gatbandhan banaisey aro dui saal picheyte Election Commission para etu ke officially register kurisey. Aro juwa saal hey Mizoram te power te ahisey. Taikhan laga campaign laga momentum te focus kurikina, etu party para political newcomer, Richarf Vanlalhmangaiha ke ahibole thaka election nimitey taikhan laga candidate field kurisiley.
Mizoram laga Lok Sabha election tu 3ta dangor contender ZPM, Mizo National Front (MNF) aro Indian National Congress majotey mondikina contest kora larayi nimitey tayar asey. MNF aro Indian National Congress para voting hobole ageyte alliance kuribole laga possibility explore kurisey hoilebi taikhan laga baat chit tu kamyab huwanai aro enaka kurikina etu duita party ke taikhan laga electoral ambition independent para pursue kuribole majboor kurisey.
MNF para taikhan laga takat ke wapas pabole nimitey Rajya Sabha member K Vanlalvena ke taikhan laga candidate nominate kurisey. Congress para retired Mizoram Police Service officer aro former state home secretary Lalbiakzama laga opor te baji lagaikina asey.
Add Comment