Aizawl, December 29 : Chief Minsiter Lalduhoma para chola Mizoram sarkar para Central Bureau of Investigation (CBI) ke Mizoram te huwa jurum khan te jaanch kuribole izazat dikina rajya laga bhitor te transparency(khula khuli) aro accountability ke barawa dikina ekta dangor kadam uthaisey.
Etu faisla tu CM Lalduhoma para X(poila te twitter) te publicl announce kurikina tai para rajya laga manu khan laga bhalayi nimitey corruption(poisa kha) tu hataidibole laga sarkar laga commitment tu janaisey.
CBI, kuntu Indian sarkar laga ekta main investigative(jaanch kora) agency asey etu para Mizoram te huwa dangor jurum khan te jaanch kuribole nimitey green flag paisey.
Etu mamla tu rajya para ekta safa governance(rajya ke chola) system maintain kuribole kosis kora laga his ate ahisey aro etu ensure kurisey ki corruption laga sob mamla ke bhal para jaanch kurikina address kuribo.
Mizoram laga sarkar para enaka kadam utha tu taikhan para jurum hobole ageyte etu jurum laga against te kadam utha tu dikhai asey aro enaka kurikina corruption laga khilaf te ekdam majboot para khara huwa tu dikhai asey aro rajya laga manu khan laga bhalyi nimitey kanoon laga nyom ke dhurikina rakhibole laga dedication thaka tu bi dikhai asey.
Add Comment