Aizawl, March 7, 2025: Assam Rifles khan Mizoram Police khan logote mili kina Duita alak alak Operation kurishe koishe, yete taikhan Champhai District, Myanmar laga te Bordering kurea laga jaga para Rs 66.31 Crore laga drusg toh durishe koishe. Aru etu jaga toh drugs laga kaam kuribole bishi gorom jaga ase koishe.
Champhai District laga Zokhawthar te, Assam Rifles aru Policekhan mili kina Crossing Point one para, Methamphetamine Tablets toh durishe koishe, yete 20.20 kg laga toh paishe koishe, aru etu toh 69.62 Crore laga daam ase koishe. Etu saman khan toh Police Department khan laga haat te didishe koishe. Hoilebi etu operation ke kun kebi Arrest kuribole parea nai koishe.
Aru etu Eki district, Champhai District laga Zokhawthar te, Assam Rifles aru Mizoram Police khan mili kina, World Bank Rasta para, Heroin Drugs toh durishe koishe, yete taikhan 492 grams toh durishe koishe, aru etu toh Rs 3.69 Crore ase koishe. Etu drugs toh duita manu laga haat para paishe, tai dujun toh scooter para jai thakhishe koishe.
Add Comment