AIZAWL | January 26: Mizoram governor Kummanam Rajasekharan pora Saturday te khali ground te 70th Republic Day te kotha korise, kile koile ekta umbrella organization pora Citizenship (Amendment) Bill logote khilaf pura state te etu deyohar namainaibole kowa nimite.
General public pora konobi etu deyohar manaibole ahiya nai, police pora etu bi miali kena koise ki khali ministers, legislators aro dangor officials khan hi ahise.
Etu toh civil society groups aro student bodies laga organization, NGO Coordination Committee pora namanaibole kowa nimite ase.
Republic Day parade te choita armed contingents beraise, officials pora koise. Asol toh etu saal laga deyohar te 30 nisina contingents berai thakise.
Aalag district headquarters te toh, deputy commissioners pora senior officials aro public nathakiya te flag kholise, etu nisina sub-divisional aro block headquarters te bi enika thakise.
Hoilebi, etu Republic Day deyohar toh ekko biya khatna nahoikean bar hoise, kintu protestors khan etu deyohar mana jakka laga osor te placard bokhi kena berai thakise, police pora koise.
Tai pora kotha koriya samoy te, Rajasekharan pora koise ki states laga borders ke pajabo nimite besi dangor kadam lobo laag aro border area te thakiya manu khan ke development dibo karne welfare schemes ke mon dibole laage.
Tai pora koise ki Mizoram Village-Level Citizen Registration koribo nimite hoshiyari kadam lobole ase aro koise ki state government toh Mizo laga identity, neum aro phabana ke rakhibole aro dangor koribole mon diye kena kam kori ase.
Rajasekharan pora etu bi koise ki tai laga government pora Mizoram toh “desh te sobse sabha state” bonabole laga maksat pora kam narukhi kena koribo.
Add Comment