AIZAWL, November 14, 2018: Tuesday te state election department officials koishe November 28 te hobole thaka 40-member Mizoram Legislative Assembly laga election nimete sob 204 candidates laga nomination thik thak pai kena thakise aro loishe .8 ta candidates etu te Chief Minister Lal Thanhawla, Zoram People’s Movement (ZPM) chief ministerial candidate Lalduhoma, People’s Representation for Identity and Status of Mizoram (PRISM) president Vanlalruata, khan pora duita seat nimete file kurishe .Monday te 212 nomination papers laga scrutiny loishe aro etu pura loishe ,officials khan koikena janaishe .Hoilebi olop diri loishe Champhai North seat nimete ekta candidate ke porana nomination form diya nimete .Hoilebi etu matter toh khotom kurishe officials khan koikena janaishe.6 ta candidate khan Myanmar constituency nimete contest kuri ase. National People’s Party (NPP) convener Lianzuala aro Nationalist Congress Party (NCP) state unit chief Lalawmpuia Chhangte bi feild candidates ase duita seat nimete .Aro Zoramthar’ chief Rev Zaichhawna Hlawndo aro tai laga duita maiki bacha Lalhrilzeli aro Lalruatfeli bi duita seats nimete nomination file kurishe .Wednesday te last day thakishe nomination pora olaijabole nimete .Mizoram khan tayar hoishe polls te jabole nimete November 28 te .Aro vote counting toh December 11 te hobole ase .Etu state te 40 assembly seats ase etu te sob milaikena 7.6 lakh registered voters ase .2008 pora hi Mizoram te Congress khan power te thakishe .
Add Comment