Mizoram te 281 notub Covid-19 cases khobor

AIZWAL: Mizoram te 281 notun Covid-19 cases thurishe, etu cases toh July 12 darik beche sobse komti cases ase koishe. Etu notun cases melaikena itya sob melaikena 44,520 ase aro etu pihtor te 12,146 toh active cases ase, koikena officials para janaishe. Cases komti thura toh hoile sample test toh kali Zoram Medical College (ZMC) te test lowa nemite ase. 281 notun cases pithor te 278 cases toh Rapid Antigen Test para paishe aro TrueNat laboratory para 3 cases thurishe. Aizawl district para 196 notun Covid-19 cases thurishe, Kolasib district para 29 cases, Lunglei district para 27 cases, Lawngtlai district para 19 cases, Mamit district para 5 cases, Mamit district para 3 cases aro Champhai district para 2 cases thurishe koishe. Etu cases pithor te 61 cases toh bacha logot thura ase koishe. 24 gonda pithor te Covid-19 bemar para manuh mora toh 168 khobor thakishe. Itya dak Mizoram te 6.81 lakh samples Covid-19 tested loikena ase. State immunization officer Dr. Lalzawmi laga khobor hesab te, Saturday din dak te 6.39 lakh manuh logot Covid-19 vaccine thikena ase aro 2 lakh neshina manuh tuita(2) vaccine doses loikena ase koishe.