Aizawl, June 5, 2025: Wednesday din te Officials khan para koishe ki. Mizoram laga Kolasib para choita Manu nishina ke arrest kurishe koishe. Aru yete duijun toh Assam para ase koishe. Taikhan Methamphetamine laga Smuggling te thakhishe koishe.
Yete Officials khan para koishe ki. Aru Tuesday din te. Excise laga Officials khan para Duijun ke arrest kurishe Kolasib te. Yete taikhan laga haat para Methamphetamine Tablets bi paishe.
Methamphetamine Tablets toh bishi addict hobole laga saman ase koishe. Aru yete Manu khan laga Central Nervous System bi bia kuri dea koishe. Yete Khobor hisab te. Officials khan para 30,000 Methamphetamine Tablets paishe koishe Tumpui Veng para.
Aru etu laga eki din te. Charjun manu ke arrest kurishe. Aru yete Duijun toh Assam te thakhea manu ase koishe. Yete taikhan bi etu eki drugs te kaam kuri thakhishe koishe. Aru Wednesday din te. Etu Choita manu kebi District Court ageate Anidishe koishe Kolasib te.
Excise aru Narcotics Department khan para koishe ki. Etu saal laga January para May tak. Taikhan 27.7 Heroin, 133.3 kg Ganja, 67.1 kg Methamphetamine aru 945 gram Opium toh paishe koishe.
Add Comment