Mizoram, March 19, 2025: Yete sobse nutun records te, Mizoram Government khan para koishe ki, etea State te 41,355 refugees manu nishina thakhea ase koishe. Government khan manu khan laga bhal nimete aru Treatment nimete tarika khan kurea ase koishe.
Monday din Assembly Session te, HoME Minister K.Sapdanga para report kurishe ki, etea State te 2,217 refugees nishina Bangladesh para ase, 2,633 toh Manipur aru 33,505 toh Myanmar para ase.
Aru tai para koishe ki, Etu refugee laga poisa fund khan toh Central Government para sai ase, aru etu ke Secret Fund bi koi ase. Aru etu refugee manu khan nimete Government para Special Committee bi banaishe.
Hoilebi Champhai District laga Farkan Bosti laga NGO khan March 15 din te Meeting loishe, aru yete taikhan laga bosti te dukan kurea manu khan ke ban kuribole koishe. Aru Yete NGO khan para etu refugees dukan kurea manu khan ke koishe ki, May 31 laga agea para taikhan laga dukan saman khan toh sob bikai dibole koishe.
Add Comment