Mizoram te 45 umer ke 76% vaccine thishe

July 4, 2021. Mizoram te January 16 dari para soruh hoikena 45 umer manuh logot Covid-19 vaccine deya toh Seventy-six (76%) per cent hoishe, koikena officials para janaishe. Friday din mission National Health Mission (NHM) laga director, Dr. Eric Zomawia para koishe ke, Covid-19 second wave bemari nemite vaccination kam toh soruh hoikena jai ase. Etu samai, desh pura te 18-44 umer logot vaccination deya toh 11% ase aro itya dak Mizoram te etu umer logot vaccine deya toh 41% hoikena ase koishe. Zomawia para janaishe ke, 45 umer manuh laga population toh state te 2.64 lakh neshina ase aro 18-44 umer group khan 5.10 lakh neshina ase aro manuh ke vaccine toh free para thi-ase koishe. Hoilebi, private hospital te vaccine mara toh poisa loi ase koikena health ministry para koishe. Zomawia para koishe ke, vaccine toh 82,220 neshina stock te ase aro aha hafta state te ponchiboli ase koishe. State immunization officer para koishe ke, 4.59 lakh manuh logot first dose vaccine toh Thursday din dak te thikena ase aro 53,960 khan logot full vaccine loikena ase koishe. 18-44 saal umer group te 4.59 lakh pithor te 2 lakh manuh ke thikena ase, koishe. Mizoram te itya second wave of Covid-19 bemar toh besi othi ase koishe. Government para Aizawl Municipal Corporation (AMC) jaga te lockdown soruh koikena ase aro konuba state te Covid19 hoshari kam toh June 30 darik 4 am dak ase koishe. Thursday din te 224 Covid19 cases thurishe aro itya state te 18,859 cases hoikena ase. Friday din Covid-19 bemar para 54 umer manuh Zoram Medical College (ZMC), Aizawl te morishe. Komti hoilebi, 153 manuh Covid -19 Care facilities te Friday din te morishe. Itya Covid-19 active case toh 4,301 hoikena ase. Recovery rate toh itya 76.72% te ase aro mora rate toh 0.47% te ase.