Mizoram te 700 Myanmar manuh pongchise

June 28, 2021. Myanmar para 700 neshina  civilians manuh Mizoram te hafta pithor te ahishe koishe. Itya northeastern state te Myanmarese nationals khan ahikena thaka toh 10,025, manuh neshina ase koikena police officer para janaishe. Police officials laga khobor hesab te notun manuh aha toh civilians, pregnant women, children aro senior citizens, aro  konuba toh 90 umer khan be samil ase. 10,025 Myanmar nationals pithor te 22 manuh toh lawmakers ase koikena janishe, tai koishe. Chin state chief minister Salai Lian Luai, kaun state te June 14 darik ahishe, tai toh itya be state te bohi ase koishe. Official parakoishe, Myanmarese national besi jun state pithor te ahikena ase. State police’s data para koishe ke 195 Myanmar manuh aro June 15 aro June 26 pithor Champhai district te ahikena ase. Mizoram te 11 districts pithor, Myanmarese manuh khan 10 districts aro Champhai district ekla te 4,352 Myanmar nationals bohi ase koikena data para janaishe. 1,621 Myanmarese manuh khan Aizawl community ghor te bohi ase. Etu samai, official para koishe ke, Myanmarese nationals, Chin state laga manuh khan Indian jaga te February  moina para asti hoikena ahishe. Myanmarese nationals kaun olop din akhe Mizoram te ahishe, security forces para maniboli parai nai, keli koile besi wala toh children aro senior citizens howa nemite. Champhai district laga MC Lalramenga, president of Tuipuiral group of Young Mizo Association (YMA) para koishe ke, 2 makeshift camps toh Zawlsei village bonaikena ase, etu jaga toh Myanmar border para 20 Km neshina jaikena ase. Etu makeshift camps toh YMA volunteers khan para Myanmar manuh ke humanitarian ground te bonai deya ase. Farkawn aro Vaphai bosti manuh khan para te etu hafta refugee camp bonaishe. Tuipuiral group YMA jurisdiction pithor te 21 bosti ase aro East Tuipui Assembly constituency pithor Champhai district te ase. Itya dak 1,419 Myanmar nationals khan 20 bosti te Tuipuiral jaga te ase, koikena Lalramenga para koishe.