Mizoram te 99 notun COVID-19 Cases khobor

AIZAWL: Mizoram te 24 gonda pithier te sob melaikena 99 notun COVID-19 cases khobor paishe, hoilebi bemar para manuh mora khobor toh thaka-nai, koikena state Department of Information & Public Relations (DIPR) laga sobse notun khobor hesab te junaishe. Mizoram te daily positivity rate toh 8.40% te ase, koikena state government para aji khobor toh janaishe. Itya dak te active caseload toh 559 te ase, etu samai Mizoram te 2,26,271 COVID-19 cases hoikena ase. Sob melaikena virus bemari para 692 manuh morikena ase koishe. April 18, 2022 darik te sob melaikena 1178 samples tested korishe, etu pithor te 37 samples toh motha manuh laga ase aro 62 samples toh maiki manuh laga ase koishe. Northeastern state te COVID-19 bemar bhal hoikena thaka toh 2,25,020 hoishe. Official statement para aro janaishe ke, Rapid Antigen Test (RAgT) & TrueNat para 98 & 1 positive case thurishe, koikena khobor para junaishe.