AIZAWL | JULY 26, 2020: Mizoram, te ekta baba aro mota bacha ke police para Mizoram’s Hnahthial district Myanmar border te herion smuggle kura nimete thurishe.
Reports hisaab te komti hoilebi sob milaikena tai khan laga haath para 1.9 kg heroin thurishe.etu heroin laga daam toh komti hoilebi local market te Rs 1.55 crore ase aro myanmmar para anishe.
Etu dui jun ,laga naam toh Duhkima (62) aro tai laga mota bacha Remthangpuia (33) ase.aro tai duijun ke drugs logote Friday rati te Ngharchhip village para thurishe.
Tai khan para komti hoilebi Rs 280 grams heroin, Rs 15 lakh daam laga thurishe etu bi nodi te swim kurikena aro tai khan police para polabole kosish kurishe.
Police kuwa hisaab te etu seizure toh sobse dangor heroin hold thakishe.etu accused khan ke Narcotic Drugs & Psychotropic Substances (NDPS) Act, 1985 laga section bithor te charge kurishe.
inter-state borders aro Myanmar logote bondth thaka toh etu coronavirus outbreak nimete drugs aro dusra contrabrand laga smuggling toh chuli ase .
Assam Rifles khan olop akhge te 25 trucks Rs 4 crore laga daam betel nuts thurishe Myanmar ana toh.
Add Comment