Guwahati, Jan 11: Government Railway Police(GRP) para Wednesday te Guwahati laga train station te 109 kg ganja paise. Etu ganja tu station te rukhikina thaka Kamrup Express train te paise.
Etu dhurikina pa ganja laga daam tu 54 lakh thakise.
Khobor pa hisap te ganja tu kunba para dangor bag te train laga seat nichete chari kina jaise.
Sources para koise ki etu ganja tu Dimapur para ana laga ase.
Jawa kali bi Rajdhani express train para 21 kg ganja aro 39 chur hua laga mobile phone bukha tu Guwahati Railway Station te GRP para dhurise. Etu laga agete GR para New Delhi te jabole thaka laga Rajdhani express train para enaka biya saman loija tu rokhaidise.
Etu eke hapta te GRP para 42.32 kg laga ganja dhurikina loiloise.
Khobor paa hisap te, aro duita manu ke etu mahina te dhurise.etu manu khan tu gari te Assam laga Karbi angling district te 18 crore laga heroine loijai thakise.
Officer para koise ki etu arrest kora aro saman chinikina loiluwa tu Assam Police aro CRPF laga team para milikina kurise.Karbi angling Superintendent of police Sanjib Kumar saikia para koise ki drug loija laga khobor paikina Dilai tinali te checkpoint banaise. Aro 10:30 am te ekta pick-up van ke puch tach kuribole rokhaise. Etu homoi te 286 sabun rakha daba aro etu laga bhitor te 3.5 kg heroin thaka paise. SP laga hisap te etu saman tu Rs 18 crore laga thakise .
Add Comment