AIZAWL, March 17: Tripura te thakiya Bru migrants khan pora Bru refugees khan nimite relief, rations, poisa aro supplies dibo karne Ministry of Home Affairs (MHA) laga modot bisarise, etu toh March 31 te deadline bar howa bicchete ase.
Etu package toh 1997 pora loikena 32,000 pora besi Brus khan thakiya choita transit camps khan ke dise.
Etiya Tripura te thakiya Brus manu khan ke 1998 te diya central rehabilitation package te, dangor manu khan ke din te Rs 5 per diye, bacha khan ke Rs 2.5 diye, hotai din dangor manu khan ke 600 gram jawal, saal te teenta sapon, saal te ekta chapal aro teen saal te ekta mosquito net diye.
Mizoram Bru Displaced Peoples Forum (MBDPF) secretary Bruno Msha aro president Apeto Sawibunga pora Union Home Secretary Rajiv Gauba ke chitti lekhikena koise ki ration supplies, poisa aro aalag relief toh etu saal January 11 te diya MHA laga aadesh hisab pora Bru relief camps khan te diye ase. Hoilebi etu aadesh toh khali March 31 tak hi thakibo, etu bicchete te rukhi jabo.
Tate etu bi koise ki Bru migrants khan ke nijor laga desh te wapas bothaibo nimite Joint Monitoring Group (JMG), central government, Government of Tripura, Government of Mizoram nahoile Bru migrant leaders khan majote Mizoram te Mizo National Front (MNF)-led government ola bicchete meeting lowa nai.
Etu migrant leaders khan pora bi Election Commission of India ke relief camps te polling booths lagaibole koise kile koile bhal pora ekko diktari nathakikena election lobo nimite.
Tripura te thakiya Brus khan toh Mizoram laga Mamit district te Kanhmun te jowa saal November te thakiya Mizoram assembly elections te tai khan laga votes dibo nimite jabole laagise.
1997 te jaati khan laga larai ola samoy te 37,000 pora besi Bru refugees khan Mizoram laga Mamit, Kolasib aro Lunglei districts pora bolaise. Tai khan osor Tripura te jaise aro tate North Tripura district laga Kanchanpur aro Panisagar sub-divisions te choita dangor relief camps te rakhise, tate tai khan aji tak buhi ase.
Add Comment