Mizoram te gaori import ban

AIZAWL: Tui(2) moina akhe dosura state para pigs import allow kora beche, Mizoram government para aro Saturday te pigs aro pork saman toh dosura states aro countries para loikena ahiboli mana korishe. Konuba states te African Swine Fever (ASF) notun cases khobor powa nemite. February 1 darik te government para ASF free states para pigs aro pork saman import kora ASF bemari ola beche August 2020 saal te 17 moina bondh korikena jowa saal December moina dak te ekta cases be powa nai. Saturday din state chief secretary & state executive committee chairman of Mizoram state disaster management authority, Renu Sharma junaishe ke live pigs import, fresh pork aro pork laga saman oper te frozen pork toh dosura states aro countries para loikena ahiboli ban thakibo koishe. State animal husbandry aro veterinary department para pig thaka jaja te jaikena mandatory disinfection koribo aro etu oper te strict hygiene kam toh sapo, koikena order para janaishe. State animal husbandry & veterinary department para data released kora hesab te itya dak 384 pigs aro piglets toh January moina te morikena ase. 384 pig mora pithor te Champhai district te 64 pigs mora toh hoile African Swine Fever (ASF) nemite mora ase koikena khobor paishe. Etu fresh pig mora toh 24 bosti aro 5 districts laga jaga alag-alag para ase koishe. Jowa saal March aro November moina pithor te African Swine Fever (ASF) bemar para 33,417 pigs mora khobor ase aro etu laga monetary losses toh Rs 60.82 crore neshina hoishe. Jowa saal Sob African Swine Fever (ASF) spread nakoribo nemite sob melaikena 10,910 pigs moraishe, koikena khobor para janaishe.