October 25, 2024: Etea gari khan honk kurea toh awas laga pollution he uthai dea. Yete Gari, bike aru buses khan para honk marea toh awas bishi olai kina stress, anxiety aru health jamala khan bi ulai, city te thakhea manu khan.
Hoilebi etea Northeastern State Of India, Ekta city toh bishi bhal examples dikhai ase honk khan maribole mana kuri kina. Aziwal toh Mizoram laga Capital City ase. Hoilebi bishi dikdar dea laga awas khan toh hunnibole komti ase. Etu bishi bhal tarika para Aziwal toh alak states khan para alak ase country te.
Mizoram laga culture toh Untranslatable ase. Hoilebi taikhan toh taikhan laga Hospitality, kindness, unselfishness aru manu ke bishi modot kurea koishe. Mizoram laga Community khan toh community laga bhal nimete taikhan nijor ke agea nadalea. Etu toh sob jag ate chulea koishe, aru traffic te bi.
Etu ‘Silent City’ toh 3.5 lakh nishina manu ase koishe, yete 1.5 lakh nishina Gari khan toh Aziwal te registered kuri kina ase koishe. Bishi chutu rasta hoa upor te gari bi bishi ase koishe, aru kitea bat oh ek ghanta bi lagea koishe 15 kilometre paar kuribole. Hoilebi etu city toh patient aru polite ase koishe, taikhan traffic laga agea te polabole khushis nakurea koishe.
Aru sobse asuri toh etu toh eku Government khan para tarika dea nai koishe. Etu khan sob manu taikhan nijor he kurea ase koishe.
Add Comment