May 29, 2021. Mizoram chief minister Zoramthanga para junaishe ke, itya COVID-19 bemari thaka nemite State toh posia para besi dukh te ase. Hotai din dukh toh double othi ase aro etu oper te African Swine Fever (ASF) bemar be thuri ase koishe. Zoramthanga toh State laga poisa (finance) in-charge be ase, Friday din tai para statement te koishe ke, Covid-19 bemari nemite state laga economy toh besi dukh te ase aro duniyaa te dosura desh be tai khan neshina dukh te thaki ase. Tai koishe, Covid-19 nemite Centre te revenue collection samai besi dukh hoikena state laga taxes share kora te be komti hoishe, etu nemite state toh besi dukh te ase. Zoramthanga para aro janaishe ke, state laga taxes share toh 2020-2021 saal nemite Rs. 1,500 crore neji te kerishe. State laga financial para state laga baki toh Rs 150 crore neshina ase koishe. Tai besi mon dukh para koishe ke, state laga nejor poisa para notun development projects toh kam koriboli naparikena ase. Hoilebi, Centre para fund kora development projects toh besi bhal te jai ase keli koile etu laga fund toh dosura kam nemite jolaboli napareh. Mizoram Chief Minister para aro koishe ke, COVID-19 bemari thaka samai state para besi tangor dukh experienced hoishe. Tai aro koishe, African Swine Fever (ASF) bemar, state laga alag-alag jaga te jungle jui ola nemite aro Myanmar te military coup nemite bahar manuh aya para dukh toh besi hoishe. Zoramthanga para manuh khan ke Covid-19 bemari logot besi bhal para larai kori thaka nemite dunyawad thishe. Tai para medics, churches, NGOs, bosti volunteers, local task forces, private doctors, nurses aro medical experts kaun khan para Covid-19 bemari logot larai kori ase besi tangor kushi janai thishe. Zoramthanga para aro manuh khan logot state te dukh thaka nemite parthana kori thakiboli janaishe.
Add Comment