Mizoram, March 8, 2025: Yete Friday, March 7 din te, Mizoram laga Authorities khan para alak alak operation te Rs 7 Crore laga drugs toh durishe koishe, aru yete pasta manu nishina ke arrest kurishe koishe.
Yete First wala toh, Mizoram Excise aru Narcotics Department aru Narcotics Control Bureai (NCB) khan mili kina operation kurishe, yete taikhan 3da manu ke arrest kurishe, aru yete maiki bi thakhishe koishe. Yete taikhan laga haat para 48 kg laga Crystal Methamphetamine toh durishe koishe, Aizawl laga Khatla para. Etu Drugs toh Rs 6.72 Crore laga daam ase koishe, aru etu saman khan toh Delhi te pathabole thakhishe koishe. Aru yete ekta kg te Rs 14 lakh para bikabole thakhishe koishe.
Aru alak Operation te, Mizoram Police khan, Assam laga Gari No. Thakhi kina Gari ekta rukhaishe koishe. Taikhan etu gari para bia saman khan loijai thakhea koishe. Aru Friday din te, taikhan ke NDPS Act laga bitor te, Court laga age ate anishe koishe, Special Court te.
Aru alak operation tebi, Assam Rifles aru Mizoram Police khan mili kina Operation kurishe, yete Taikhan 65 saal maiki ekta ke durishe koishe, yete tai laga haat para 55 grams laga heroin drugs toh durishe koishe, aru etu toh Rs 41.25 lakh laga daam ase koishe. Etu saman khan toh Champhai District laga Zokhawthar te gari checking kurea homoi te paishe koishe, Aru etu toh Myanmar Boder laga osor te ase koishe.
Add Comment