Mizoram te schools class 8 dak bondh

April 12,2020. Mizoram te schools kulikena ek moina nehina thaka beche, State te aro Covid-19 cases besi otha nemite students khan Class 8 dak aro schools bondh thakiboli ase. Mizoram government para aro rati church service aro banned koribo aro sob district headquarters aro Aizawl te rati samai curfew thaka toh Covid19 second wave thaka nemite aro jai thakiboli koishe. Friday rati laga notun guidelines hesab te, Students Class 8 para neji khan nemite online mode te classes toh lobo aro etu oper classes nemite suspended kori thishe. Notun academic session 2021-2022 nemite schools May 4 darik te kuliboli thaka toh be cancelled hoishe aro order notun najuna dak bondh thakibo. Guidelines hesab te schools aro CBSE pithor te thaka logot be etu hokom toh lakibo. Hoilebi, itya classes 9-12 exam lui thaka toh kotom nahowa dak jai thakibo. Universities aro Colleges students khan nemite toh state te higher aro technical education department laga fesla oper te ase koishe. Etu notun guidelines tooh Saturday din te effect hoishe aro rati te church service thakiboli bondh korikena rati samai curfew toh 8:30 pm para 4 am dak district headquarters sob te thakibo. Churches, cinema halls, auditoriums, community halls, picnic spot aro dosura resort jaga toh 50% te kuliboli thibo koishe. Etu oper te funeral, wedding aro social aro political samai manuh toh 50 jun te fixed korishe. Shops, hotels, restaurants aro dosura business dukan toh Covid19 protocols pithor te strict para kuliboli janaishe. Saturday din Mizoram te notun 25 Covid-19 cases paishe, etu melaikena state te 4,583 cases paikena ase. Itya Mizoram te 115 active cases ase aro bemari para 4,457 manuh bhal hoishe. Itya dak virus bemar para 11 manuh morikena ase koishe.