Mizoram te Super Specialty Cancer hospital kulibo

AIZAWL: Mizoram’s capital Aizawl te Super Specialty Cancer aro Research Centre toh Japan International Cooperation Agency (JICA) pithor te Rs. 500 crore project para bonai ase aro joldi soruh koriboli ase, koikena official para khobor toh junaishe. India te Mizoram state te sobse besi cancer cases ase. Official para janaishe ke, Thursday din Chief minister Zoramthanga para etu kam laga roject nemite state officials aro JICA representatives logot Aizawl te kotha korishe. Etu meeting kora samai, State health minister Dr. R. Lalthangliana aro health and family welfare board vice chairman Dr. ZR Thiamsanga, tai jun para be samil korishe. Chief minister para state officials aro JICA representatives logot proposed Super Specialty Cancer aro Research Centre toh joldi bona kotom hoboli janai thishe. Lalthangliana para be koishe, etu meeting samai etu centre toh joldi te bona kotom koriboli kotha koishe aro tai para janaishe ke, Centre para etu project toh puila para approved korishe aro etu toh Rs. 500 crore daam ase koishe. National Cancer Registry Programme (NCRP)-2012-2016 laga khobor hesab 2020 saal,  Mizoram te 207 aro 172.3 cancer cases toh motha manuh aro maiki manuh logot ase koishe. Khobor hesab te state te 2012-2016 saal samai cancer cases toh 8,059 thakishe, etu pithor te 3736 maiki manuh logot ase. Aro etu samai Aizawl district ekla te 4,080 cancer cases thakishe koishe.  Mizoram te 0 para 74 umer dak logot 5 jun (maiki/motha) manuh logot hotai cancer thuri thaki koishe.