Mizoram teh 65% biometric enrolment hoisha Myanmar manu karne

Aizawl, December 7, 2025: Mizoram laga government pora Myanmar para ahi kena Mizoram te poha  khan laka 65.82 % biometric enrollment hoisha koishe. Official record laga hisab teh toh 30,893 manu Myanmar para ahei ne buhei ase koisha Mizoram teh. Mizoram laga manu khan Tai khan laga country para polai jai gena Mizoram teh ahei gena buhei ase. Tai khan pola toh February 1, 2021 teh military khan para government ge gerai di ge na jamala dangor ola pora ase. Myanmar bishi manu toh Border teh bosti thakei khan teh ahei ne buhei jaisha. Etu kumba bosti khan toh Zokhawthar, Saikhumphai Aro Vaiphai khan ase. Etu bosi khan toh Champai district the as. Etu Myanmarese ahei ne buhei khan toh Myanmar chin state laga border bosti para ase koisha. Aro tai khan toh Mizo khan laga khandan ase koisha. Aro Zo laga ghor manu he ase koisha. 49 manu toh Mizoram state teh Haimul bosti para gushi sha. Etu bosti toh Chin state teh ase koisha. Ta teh Myanmar army khan beshi hamla kurei karne tai khan polai jaisha. 30,893 Myanmar para ahei toh. 20,333 manu laga biometric data toh loi sha. Aro Foreigner Indentification Portal teh hali disha. Bangladesh para bei 2,374 ahine ase koisha. Aro 332 khali laga enroll kurei ne ase.