June 02, 2024 : Noksen constituency laga MLA, Lima Onen Chang para ekta meeting loishey, 1st June, 2024 tey, SDO (C) Office Noksen, Tuensang tey para, itu cyclone para situation bana laga opor tey discuss kuriboley, 24th May, 2024 tey.
Lima Onen Chang para itu meeting laga homoi tey, highlight kurishey, itu kotha kuria tey, juldi para jawap diboley itu relief nimitey, Nagaland State Disaster Management Authority logotey. Tai para itu administration logotey inquire kuriboley bhi request kurishey, kiman parey modod loboley itu District Administration nahoilebi itu SDMA para, tai khan laga lagi thaka modod toh pura kuriboley itu situation tey.
Tai para spot inspection kuriboley visit kurishey, itu ghor khan aru institution khan bhagi jawa laga, Noksen Town, Noksen Bosti aru Litem Bosti tey. Tai para monetory relief bhi render kurishey, itu victim khan ke, itu disaster laga. Tai para itu bhi assure kurishey ki, kiman modod kuriboley parey kuribo koishey, itu victim khan ke, aru itu bhi koishey ki, government laga intervention bisariboley para tak juldi para.
SDO (C) Noksen, Saratho Katiry para itu bhi report kurishey ki tatey pura puri 65 ghor khan toh hoiley pura puri damage hoi jaishey, aru 41 khan toh adha damage hoi kena asey, aru itu logotey hisap bhi kuriboley napara laga gahuri ghor, alag granary khan aru hut khan damage hoi kena asey, koishey.
Important jaga khan PHC Building, Anganwadi centre, St Thomas Parish, NAP station buildings aru GPS Litem khan toh hoiley kunba khan toh biya kuri di kena asey, itu cyclone para, tai para report kurishey.
Tai para itu MLA Onen laga contribution ke bhi appreciate kurishey, tai eneka homoi tey intervene kuria nimitey, itu District Disaster Management Authority ke instant relief modod diboley kuria nimitey, itu calamity victim khan ke.
Add Comment