Karnataka, 13 December 2024: Harish Poonja, Karnataka’s Belthangady constituency pra ekta BJP MLA, pra Legislative Assembly floor te request kuri shey. Poonja government khan lokot pra permission bisari shey wild hati khan ke maribo leh kun khan farming mati te guri jai aro crops khan ke nuksan punchai de.
Wild hati khan pra farmers khan laka crops biya kuri d kina, farmes khan challenges khan face kura laka opor te khota kura time te, Poonja pra koishey, farmers khan ke chance dibi…. Moikhan hati ke goli pra mari dibo. Etu opinion toh farmers khan laka ase kun khan bhal pra humabo napareh hati khan pra nuksan pra nimite. Taikhan permanent solution lageh etu problem nimite.
Tai laka comment aro request toh, hoileh b bhal pra janai assembly laka alak members khan lokot te. MLA laka remarks te shock hoi kina, state forest minister Eshwar Khandre pra taike koishey enika comments khan nabana boleh. Khandre pra taike aro hikai shey kina law toh chuleh. Tui toh manu laka representative ase. Tui enika remarks nabana boleh lageh. Bishi bhhal nai. Law ase aro MLA hoi kina tui manu khan ke bujai dibo lageh law toh ki ase, Khandre pra Poonja ke enika koishey farmers laka request opor te.
Karnataka Assembly Speaker UT Khader b bishi impressed hwa nai Poonja laka comment pra. Tai pra koishey manuu nishina janwar khan b right ase zinda thakibo leh. Taikhan ke mura toh solution nahoi. Khader pra BJP MLA laka request ke nika jawab dishey.
MLA laka request toh cruel dikhi leh b, Karnataka te hati laka hamla toh bishi hoi ase.
Add Comment