MMC para itu saal laga dog registration aru vaccination drive conduct kuriboley asey

September 23, 2024, 05:36 PM : Itu ADC & Chief Executive Officer Mokokchung Municipal Council (MMC), Mokokchung, Chumlamo Humtsoe para toh hoiley sob concern khan ke inform kurishey ki, MMC toh hoiley itu saal laga Dog Registration cum vaccination drive conduct kuriboley asey, itu 2024-2025 laga saal nimitey, Mokokchung Town under tey, 27^th & 28^th September, 2024 tak tey. Itu vaccination drive toh hoiley Animal Husbandry & Veterinary Services laga Department logotey mili kena chulai jaboley asey koishey aru sob ward laga union Mokokchung (AWUM) logotey mili kena. Itu laga connection tey di kena thaka guideline khan issue kurishey, comply kuriboley: Registration / renewal cum vaccination exercise laga timing toh, kuntu toh hoiley 8:00 AM para shuru hoboley asey. Sob respective ward khan ke request kurishey, lagi thaka facility khan arrange kuriboley karney koishey. Sob ward khan ke duita duita manu ke assign kuri diboley asey, itu team logotey kaam kuriboley, A.H & Veterinary department para; respective eard chairman para toh hoiley itu registration card sign kuriboley asey, renewal nimitey, itu tags laga regard tey, itu A.H & Veterinary department para inform kuri kena thaka hisap tey. Itu toh hoiley note kuri di kena asey ki, bishi pet owner khan toh hoiley itu tag toh bhal para nachulai kena asey. Itu nimitey ekta kutta laga identification toh hoiley ekta important issue hoi kena asey, bhal para implement kuriboley ekta thik thak laga measure khan plan kurishey, itu saal para, hoilebi kunba technical issue khan karney, itu toh hoiley kuriboley napari kena asey. Eneka thakilebi, notun registration nimitey, aru card hari jawa nimitey, tai khan para direct kuri di kena asey, itu office para same toh hey collect kuriboley karney, 26^th Sept, 2024 laga agey para. Notun registration / renewal/ vaccination fee khan aru charges khan utilize kuria khan toh hoiley agey nishina he hobo, koishey. Schedule kuri kena thaka date khan toh di kena asey : 27th September 2024 tey –  Salangtem, Alempang, Alongmen, Sangtemla, Tongdentsuyong, Arkong, Penli, Dilong, Sungkomen ward   aru 28th September 2024 tey – Yimyu, Lijabalijen, Mongsenbai, kumlong, Kichutip, Aongza, Marepkong, Majakong aru Artang ward tey. Judi kiba query khan asey koiley, Mobile number: 9436007607 tey contact kuriboley paribo.