Chumoukedima, November 13 – PWD Mechanical Department laga Modern Mechanical Workshop cum Training Centre (MMWTC) para 12th November 2025 te Shokhüvi, Chümoukedima te ekta intensive training conduct korishe on Basic First Aid aru Fire Safety upor te. Etu training laga main aim hoishe to improve trainees khan laga safety awareness aru emergency time te response skill.
Training session lead korishe Inspector Maongkaba aru tai logote ekta team of skilled trainers from Central Training Institute of Home Guards, Civil Defence & State Disaster Response Force (SDRF), Dimapur, Nagaland.
Etu programme specially design kora jaishe Heavy Machinery Operators aru Mechanics karone jiman training loi ase MMWTC te. Training funded korishe Nagaland Skill and Entrepreneurship Development Mission (NSEDM), juntu focus kori ase equip kori bole participants khan ke with basic knowledge aru practical skill emergency situation ke effectively handle kuribole.
PWD Mechanical Department para highlight korishe ki etu initiative show kore MMWTC aru NSEDM laga commitment to create ekta safe, skilled aru well-prepared workforce. Session te khali technical aru safety skills hai teach kora nohoi kina, encourage bhi korishe culture of alertness aru preparedness among trainees.
Add Comment