November 14, 2024: Health aro Famliy welfare laka Minister, P. Paiwang Konyak pra Mobile Medical unit khulishey Zunheboto district nimite 14 November 2024 te, Directorate of Health and Family Welfare, Kohima te.
Program launch hwa time P. Paiwang Konyak pra koishey Ministry of Health and Family Welfare khan pra bhabha nishina etu initiative toh ekta collective resolve represent kureh, healthcare gap toh bridge kuribo leh aro bhal medical services toh sop manu ke punchi boleh, tai khan kunto jaka te thakileh b. Especially manu khan nimite kun khan bishi bosti side, diktar, under-served aro napuncha jaka khan te thake.
Paiwang koishey etu Mobile Medical Unit toh khali gari ekta nahoi, communities khan karne ekta hope la beacon ase kun khan etu lagi thaka health services nimite rukhi thakishey. Aim kuri ase bhal reproductive aro child health services dibo leh, aro laboratory services khan b dibo. Plan kurina implement kuribo holistic health care strategy, etu pra primary health care components laka key area cover kuribo. Bosti laka health sanitation uthabo, aro communicable aro non-communicable bimar khan rukhabo.
Tai aro koishey Nagaland karne, etu programme toh December 2007 te shuru hoishey, tadeh 11 Mobile Medical unit launched kurishey 11 districts te aro bhal pra chuli ase 11 district te nutun upgraded district ke cover kurina. Etu hwa time te, department khan central government ke propose kurishey fully functional Mobile Medical Unit dibo leh nutun six district karne.
Minister pra tai laka confidence share kurishey ki etu project toh healthcare access te disparities komti kuribo leh agae steps lubo, manu khan ke dignity pra serve kuribo aro preventive healthcare te dhian dibo.
Government of Nagaland laka side pra, Paiwang pra TATA AIG General Insurance Company Ltdn aro Swasti khan ke bishi kushi pa toh janai dishey, tai khan Mobile Medical unit sponsorship kura nimite. Enika kurina koishey tai khan laka support pra bishi critical resources dishey etu pra taikhan manu khan ke punchibo paribo kun khan healthcare napai.
Tai pra Zunheboto laka CMO team khan ke advised kurishey Mobile Medical unit khan ke bhal pra saboleh aro maintain kuriboleh taikhan laka condition sustain kuriboleh aro service ready karne.
Add Comment