Jerusalem, 05 April 2025: Ekta mobile phone footage bahar aahi ase juntu Israel laga claim ke ulta kuri dise, March 23 laga incident, jate 15 jon rescue worker muri jai laga din te.
Soldiers ambulance aru fire truck laga convoy upor te fire kuri se. Palestine Red Crescent Society (PRCS) laga share kura video te dekha jai ki gari khan laga pitor te headlight aru emergency light on kuri kena move kuri thaka time te he attack suru hoijaishe. PRCS koise video ekta murijaa paramedic laga phone para paise.
Shuru te Israel Defense Forces (IDF) koise ki vehicle khan light off thakishe. Kintu video bahar aahile, IDF BBC ke koise ki pura incident aru footage bhal para examine kuribo.
Ekjon bachi jaa thaka paramedic BBC ke koise ki gari khan external aru internal lights on thakishe, aru clearly mark thakishe.
Video, juntu UN Security Council ke dekhaise tai khan koise, ke ambulance khan road te rukhi jai aru light flash kuri ase. Emergency worker khan reflective kapara lagai kena gari para bahar ula te gunfire suru hoi. Film kuri thaka paramedic ekjon muri jai jaishe. Tai laga body aru phone ek hapta pichete ekta shallow grave para paise, ekjon UN employee, 8 jon paramedic, aru 6 Gaza Civil Defence worker logot.
Israel koise ki Hamas aru Islamic Jihad militants bhi muri jaishe, kintu proof diyanai. Paramedic Munther Abed koise, “Ami civilian ase. Amar kaam manu ke bacha bole ase.”
PRCS President Dr. Younis Al-Khatib koise, “Etu crime ase, aru accountability lage.” Ekta paramedic etya bhi missing ase.
Add Comment