Agencies, 30 August: US-based biotech company Moderna para Japan ke 40 million doses laga COVID-19 debole kotha kora janaishe. Etu daiyari kora laga terms pithor te, dawai (mRNA-1273) toh Moderna para supply koribo aro Japan ke Takeda Pharmaceutical Co. Ltd. para debo. Etu toh regulatory approval bechide 2021 laga first half te supply kora suru koribo.
Ministry of Health, Labour and Welfare of Japan para Friday te kotha kora etu khobor toh janaishe. Etu eki hapta Moderna para be European Commission ke mRNA-1273 laga 80 million does toh European Commission’s goal laga part hisaab te debole kotha kora thakise.
Etu moina agae hapta te, US government toh 100 million doses laga COVID-19 dawai mRNA-1273 bonabole aro debole nemide $1.5 billion deal te kusha (entered) thakise.
mRNA-1273 laga Phase 3 study US National Institutes of Health (NIH) aro Biomedical Advanced Research and Development Authority (BARDA) logode melikena lowa toh July 27 para suru howa thakise.
Add Comment