Modi 3.0 govt para solution ani bo: Biren Singh para Manipur unrest deh kui shae

June 21, 2024: Friday din deh Manipur chief minister N Biren Singh para state deh taka thnic unrest tho address kuri bole, Modi 3.0 government para action plan bana bole ase kui shae aro tui-teen mohina pitor deh ekta solution ahi bo pareh kui shae. CM para etu statement tho International Yoga Day 2024 celebration time deh kui shae. Etu tho tai para Imphal laka Khuman Lampak Indoor Hall deh kui shae. “Violence tho sob jaka deh ase aro etu tho particularly Manipur deh ahi nah ase. Kun bah jaka kan deh firing kan hui shae hoile b schools, governments establishments, markets aro business kan state deh khuli ase. Khula tho normal hui ase kui nah dikai ase,: Singh para kui shae. Tai para Manipur laka crisis tho khali sath mohina karne taki shae kui shae, hoile b unrest tho 14 mohina karne taki shae kui shae.  Jiribam violence laka mamla deh, chief minister para security arrangements nataka karne violence tho hui shae kui shae. tai para law aro order situation tho bordering district kan deh bhal hui jai shae kui shae. Tai para sob security personnel, kun kan Lok Sabha duty karne jai shae, taikan keh jamala taka jaka deh patai di shae kui shae. June 6 deh ekta 59 sal laka farmer keh murai dia tho Jiribam district deh violence laka fresh incident olai jai shae. Farmer tho Sorok Atingbi Khunou bosti para ase.