New Delhi, 23 July: Office deh second par nemide charge loikena 50 din majode Narendra Modi government para Indian Army aro Air Force nemide weapon systems debo karni Rs 8,500 crore nesana poisa phelaise.
Defence Ministry hesab deh, Indian Air Force (IAF) para missile pabo nemide Rs 8,000 crore nesana poisa phelaise.
Minister sources koise, 2019 elections nahowah agae deh konbah project suru kora toh government form howah bechide kothom hoise.
Pulwama hamla howah bechide Central government para three services ke emergency powers deshe. Etu toh Pakistan logode borders thaga ke bachabo nemide hatiyar kenibo nemide deshe.
Powers pethor deh security forces para tin moina majode nejor para kushi powah hatiyar toh Rs 300 crore daam tak kenibole paribo.
Emergency powers deya toh Pulwama para 44 CRPF personnel moraideya bechide aro India-Pakistan-borders deh hosiyar othaideya bechide ase.
Powers deya bechide IAF para Russia laga Spice-2000 stand-off weapon systems aro tusara hatiyar khan besi lobole pari kena ase. Russia logode be air to air missile nemide signed kori kena ase kelay koile Pakistani fighter jets ke dur range para marikena keraidebo nemide.
Add Comment