Modi, Kharge para higher turnout karne appeal kuri shae

April 26, 2024: 12 state aro ekta Union Territories deh 88 Lok Sabha seats laka polling shuru hui shae Friday din 7 am deh. Etu tho seven phase national polls laka second phase ase. Union Minister Rajeev Chandarasekhar, kun Thiruvanathapuram deh Congress leader Shashi Tharoor laka against kili ase, Rahul Gandhi (Wayana) aro Bharatiya Janata Party laka Hema Malini b etu phase deh ase. Kerala deh sob seats kan polls karne jai ase second phase deh. 158.8 million nishi nah voters kan vote karne eligible ase, 1,202 candidates karne, tateh teetha former chief minister ase. First phase polling laka low voter turnout karne weather aro voter apathy keh botnam di shae. Lower Turnout taka karne second phase naha time deh higher voting taki bole mati shae. Prime Minister Narendra Modi para voters kan keh polling deh participate kuri b kui nah urge kuri shae record number sdeh. “Ekta high voter turnout para mukan laka democracy keh kara kuri bo. Mui especially mukan laka jawan voters aro maike voters kan keh urge kuri ase, voter kuri bole ahi b kui nah. Apni laka vote tho apni kan laka awas ase,” tai para alak alak kotha deh liki shae X deh.