Modi para MAGA keh ekta desi boost dib oleh mana kuri shae

September 24, 2024: Prime Minister Narendra Modi, Donald Trump lokot deh nami leh nah taila US lah teen-din official visit keh kotom kuri shae. Republican presidential nominee para agae deh meet tho Flint, Michigan rally deh hobo kui nah announce kuri nah taki shae.Fox News para Modi tho Sunday din, Long island deh ahi bole expect kuri ase kui nah report kuri shae, Trump laka rally karne. Hoile b Trump para comment kuri leh b, India kan para enaka nishi nah meeting kan mana kuri shae. Indian Foreign Secretary Vikram Misri para ex-president lokot deh eku “specific meeting” nai kui shae, itia.Taila visit time deh, Modi para Wilmington deh taka Quad Leaders’ Summit keh attend kuri shae, Long Island deh taka hazar nishi nah Indian-American community keh address kuri shae, US tech giants lokot deh mili shae aro UN’s Summit of the Future keh address kuri shae. Tai sob teen din deh world leaders kan lokot deh bilateral discussions b lui shae.Hoile b tuita presidential candidates, Kamala Harris aro Doanld Trump lokot deh b mila nai. Kile report deh ahi ase koile tho Trump para agae deh, Modi tai lokot deh mili bole ahi ase kui nah kwa karne ase.“Tai tho ekdum bhal ase. bishi bhal ase. Leaders kan bishi wak tho bhal ase,” Trump para supporters kan keh kui shae, Tuesday din deh.