Modi para Pakistan keh slam kuri shae

July 26, 2024: Friday din deh Prime Minister Narendra Modi para Pakistan keh slam kuri shae. Modi para taikan laka pura immoral aro shameful acts piche deh hari jai shae kui shae. Enaka hui nah Islamabad kan history para hiki bole mana kuri shae aro taikan laka relevance rakhi bole koshish kuri takeh, terrorism aro proxy wars kuri nah. Modi para etu tho Dras deh hua war memorial deh kui shae. Modi para tai tho ekta jaka para kotha kuri ase kui shae, kuteh  terrorism laka masters kan taike bhal para huni bole pari bo. “Terrorism laka patrons kan keh taikan laka sinister plans kan kitia b succeed nahu bo kui nah kubo mun jai. Pakistan kan ki bia kam laka koshish kuri shae agae deh, taikan pura deh failures face kuri bole laki jai shae. Hoile Pakistan kan, taikan laka history para eku hika nai. Taikan terrorism aro proxy wars kan kuri nah, taikan laka relevance rakhi bole koshish kuri ase. Terrorism laka patrons kan keh mui etu kubo mun jai, taikan laka evil intention kan kitia b succeed nahubo kui nah,” tai para kui shae. Modi para India laka mun dangor soldiers kan full force para terrorism keh crush kuri bo kui shae aro dushman kan ekta thik jawab di d bo kui shae. “Ladakh, Jammu & Kashmir taki leh b, India kan sob aha challenge keh overcome kuri bo.”