Modi para Rabindranath Tagore jonom din saman korishe

New Delhi: Sunday din te Prime Minister Narendra Modi para Nobel laureate Rabindranath Tagore laga 160th birth anniversary te saman korishe. Tagore toh May 7 darik te jonom paishe aro tai laga jonom din toh West Bengal te mania thaki, tai laha jonom din toh putli hoishe koikena traditional Bengali calendar hesab te janaishe aro Sunday din te ase koishe. “Tagore Jayanti din te, ami sobse Gurudev Tagore osor te matha neji kori ase. Tai laga ideals aro takot para India toh bhal rasta te jai thakibo,” koikena PM Modi para koishe. Tagore toh playwright, philosopher, composer aro poet thakishe, etu oper te tai toh Nobel prize for literature be paikena ase. Prime minister Narendra Modi para aro freedom fighter Gopal Krishna Gokhale logot saman korishe aro king Maharana Pratap manaishe, tai jun be etu eke din te jonom paishe. Gokhale laga jevan toh desh oper te kam korishe aro tai ke hotai yaat thakibo, koikena Prime Minister para koishe. Maharana Pratap logot saman kora samai, PM Modi para koishe ke, tai laga valour, boundless courage aro battle skills para India te kushi anishe. Tai laga sacrifice aro devotion para motherland te hotai yaat thakibo, PM para aro janaishe.